Hollir Bounty bitar Karenar
Karen Ósk er hóptímakennari í Hreyfingu og hefur einnig brennandi áhuga á hollu og næringarríku mataræði.
"Ég á mína eigin uppskrift að einföldum, fljótlegum Bounty bitum sem er frábært að gera og eiga í frystinum...reyndar eiga þeir það til að klárast hættulega hratt á mínu heimili. Mig langar hér með að deila henni með ykkur, njótið vel!"
Bounty bitar
Innihald:
2,5 dl kókosmjöl
2 msk hlynsýróp
3 msk kókosolía við stofuhita
½ tsk vanilluduft/dropar
Örlítið salt
100 gr 85% súkkulaði
1 msk kókosolía
Aðferð:
Malaðu kókosmjölið í matvinnsluvél.
Bættu hlynsýrópi, kókosolíu og vanilludropum saman við og blandaðu vel.
Settu blönduna á bökunarpappír í mót og inn í frysti.
Bræddu súkkulaði (og 1 msk af kókosolíu til að þynna) yfir vatnsbaði.
Helltu súkkulaðinu yfir kælda kókosbotninn og kældu áfram. Skerðu svo í litla bita og geymdu áfram í frysti eða kæli.
Skemmtilegt tvist er að strá hnetum yfir súkkulaðið áður en það harðnar!
