Kjúklingabauna-peperonata með Ribeye steik
Þegar mann grípur löngun í sérlega saðsaman og matarmikinn rétt… þá er hann hér!
Það sem til þarf:
1 lítill laukur, sneiddur
2 rauðar eða gular paprikur, fræhreinsaðar og saxaðar
3-4 timjan greinar, laufin tínd af stönglinum
2 hvítlauksgeirar, þunnt sneiddir
1 dós af kjúklingabaunum (um 400g), leginum helt af
2 msk balsamedik
2 ribeye steikur (200g hvor)
2 ½ msk ólífuolía
Salt og pipar
-
Byrjið á að gera peperonata. Hellið 1 ½ msk af ólífuolíunni á pönnu og setjið hana á hellu við meðalhita. Setjið laukhringina og paprikurnar á pönnuna, stráið timjan blöðunum yfir og steikið í um 10 mínútur, eða þar til grænmetið hefur mýkst. Hrærið í öðru hverju.
-
Bætið sneidda hvítlauknum, kjúklingabaunum og balsamedikinu á pönnuna leggið lok yfir og látið malla í 3-4 mínútur í viðbót, eða þar til hvítlaukurinn hefur mýkst og edikið soðið aðeins niður.
-
Hitið á meðan grillpönnu vel. Kryddið ribeye steikurnar með salti og pipar og penslið þær með afganginum af ólífuolíunni. Þegar farið er að rjúka af pönnunni, grillsteikið þá kjötið í 2-3 mínútur á hvorri hlið (ef þið viljið hafa kjötið medium rare). Takið pönnuna af hitanum þegar kjötið er hæfilega steikt, breiðið álpappír lauslega yfir og látið bíða í 5 mínútur.
-
Þegar bera á réttinn fram, kryddið þá peperonata blönduna með salti og pipar, skerið steikurnar í þunnar sneiðar og setjið allt á tvo diska.
Magn: 2 skammtar
Undirbúningstími: 10 mínútur
Eldunartími samtals: 15 mínútur
Glútenlaust
Uppskriftin er úr bókinni Fjórar vikur fjögur ráð eftir Glúkósagyðjuna Jessie Inchauspe. Bókin fæst í vefverslun Hreyfingar