Til baka

Kjúklingur, sítróna og ólífur í eldföstu móti

Sumir réttir eru svo einfaldir, klassískir og bragðgóðir að þeir eiga heima á öllum blóðsykursjafnandi matseðlum að minnsta kosti vikulega.

Það sem til þarf:

2 kjúklingalæri á beini og með ham
1 sítróna, skorin í geira og steinarnir fjarlægðir
100g blandaðar ólífur, steinlausar
1 rautt chilli grófsaxað (má sleppa)
100g dvergilkál (broccolini) eða spergilkál, endar skornir af stilkum
2 msk ólífuolía
Salt og pipar

Svona er þetta gert:

• Hitið ofninn í 200°C / 180°C með blæstri. Setjið kjúklingalærin, sítrónubátana, ólífurnar og saxaða chili-ið í eldfast mót. Dreypið ólífuolíunni yfir, kryddið með salti og pipar og steikið í ofninum í hálftíma, eða þar til kjúklingalærin eru elduð í gegn.
  
  
• Takið eldfasta mótið úr ofninum og dreifið dvergil- eða spergilkálinu yfir. Setjið í mótið í ofninn í 5 mínútur í viðbót, þá ætti kálið að hafa mýkst dálítið og tekið svolítinn lit. Setjið kjúklinginn og kálið á tvo diska og berið fram.
  
  Magn: 2 skammtar
  Undirbúningstími: 7 mínútur
  Eldunartími alls: 35 mínútur
  
  Glútenlaust
  
  
  Uppskriftin er úr bókinni Fjórar vikur fjögur ráð eftir Glúkósagyðjuna Jessie Inchauspe.
  Bókin fæst í vefverslun Hreyfingar.