Ljúffeng chia-jógúrt próteinskál með berjum

Þessi próteinríka skál er ekki aðeins bragðgóð og mettandi en einnig stútfull af næringu, trefjum, góðgerlum og andoxunarefnum (polyphenols). 

¼ b chia fræ
1 b. möndlumjólk (eða önnur mjólk)
½ b. bláber eða jarðarber
½ tsk vanilluduft (eða önnur góð vanilla)
1 skeið vanillu próteinduft, sykurlaust (mæli með Now)
3 msk grísk jógúrt
1 tsk Good Good hlynsíróp (má sleppa)
Fersk ber, t.d. bláber og jarðarber

Blandið saman mjólk, próteindufti, vanillu og sírópi, hrærið vel saman.  Bætið chia fræjum út í, hrærið vel í ca mínútu þar til fræin hætta að setjast á botninn. 

Geymið í kæliskáp í a.m.k. klukkustund (betra t.d. yfir nótt).   

Setjið chiablönduna í skál með jógúrt og ferskum berjum og njótið. 

Gott múslí fer vel með í skálinni og/eða ca 1 msk möndlusmjör eða hnetusmjör. 

Mæli með að vanda valið á múslí, nota án viðbætts sykurs. 

Hér má finna girnilega uppskrift að heimagerðu sykurlausu múslí.