Sílesandi blóðsykursmælir fyrir þig?
Hvernig getur þú nýtt þér sílesandi blóðsykursmæli til að bæta heilsuna, verða orkumeiri, bæta líðan, komast í betra form og fyrirbyggja lífsstílssjúkdóma?
Samkvæmt grein sem birtist í Læknablaðinu 2021, þá tvöfaldaðist algengi sykursýki 2 í nær öllum aldurshópum á milli áranna 2005-2018. Sykursýki þýðir að blóðsykurinn hafi náð skilgreindum gildum sem þarf að bregðast við. Almennt er talað um sykursýki 1 og 2, auk meðgöngusykursýki. Óheilbrigður lífsstíll, mataræði og hreyfingarleysi geta kveikt á ákveðnum genum og flýtt fyrir því að við fáum sykursýki.
Ekki alls fyrir löngu komu Sílesandi blóðsykursmælar á markað fyrir alla þá sem hafa áhuga á að fylgjast með blóðsykursgildum sínum. Lengi vel fengust slíkir aðeins hjá lækni og ætlaðir fyrir sykursjúka.
Hér eru 8 atriði til íhugunar:
- Almenn heilsuvitund: Með því að fylgjast með blóðsykursgildum lærir þú hvernig matvæli, hreyfing, svefn o.fl. hafa áhrif á þín blóðsykursgildi. Við erum öll einstök og misjafnt hvaða áhrif hinar ýmsu fæðutegundir hafa á blóðsykur okkar. Það sem þú lærir með notkun sílesandi blóðsykursmælis getur hjálpað þér að taka ákvarðanir sem geta haft mikilvæg áhrif á þína heilsu.
- Forvarnir: Blóðsykurgildin þín geta skipt sköpum við að greina snemma merki um insúlínviðnám eða forstigssykursýki, sem getur verið viðvörunarmerki um sykursýki 2.
- Fitutap: Mikilvægt er að skilja hvernig ákveðin matvæli hafa áhrif á þinn blóðsykur og hvaða matvæli geta haft áhrif á að þú þyngist. Þessi þekking getur hjálpað þér að velja hollari matvæli og auðveldað þér að komast í kjörþyngd og viðhalda henni til lengri tíma.
- Orka: Orkusveiflur geta tengst blóðsykri. Með því að sjá þín gildi getur þú haft áhrif með því að breyta mataræði þínu eða athöfnum til að halda orkunni þinni stöðugri.
- Léttari lund: Það gæti komið á óvart að skap þitt hefur mögulega áhrif á blóðsykursgildin. Lífsstílsbreytingar eru líklegar til að bæta almenna vellíðan þína sem líkast til myndi létt lundina.
- Betri svefn: Blóðsykursgildin þín geta gefið til kynna hvort blóðsykur hafi áhrif á svefngæði þín. Góður svefn er undirstaða góðrar heilsu og e.t.v. þarftu að gera breytingar á mataræði þínu til að bæta svefninn þinn.
- Æfinga- og íþróttaframmistaða: Innsýn í blóðsykursgildin getur haft áhrif á frammistöðu okkar í ræktinni og íþróttum almennt. Grundvallar skilningur á því hvernig mismunandi æfingar hafa áhrif á blóðsykursgildi getur breytt miklu í þinni þjálfun. Með slíkri vitneskju getum við gert breytingar á þjálfunaráætlun okkar með það að marki að bæta frammistöðu.
- Að lokum: Blóðsykursgildin gefa þér ákveðna mynd af heildarheilsu þinni sem gæti verið mikilvægur liður í að gera breytingar á lífsstíl þínum til að bæta almenna heilsu og vellíðan þína.
Hins vegar er mikilvægt að hafa í huga að blóðsykursmæling kemur ekki í staðinn fyrir læknisráð eða meðferð. Ef þú hefur áhyggjur af blóðsykursgildum þínum eða almennri heilsu skaltu ráðfæra þig við lækni.