Súkkulaði chiagrautur með kollageni
Morgunverður sem bætir meltinguna og húðina.
Við mælum með að slá nokkrar flugur í einu höggi með því að blanda mikilvægum innihaldsefnum með í morgunmatinn og keyra þannig upp hollustuna og þú ferð orkumeiri og hressari inn í daginn.
Prófaðu þessa bragðgóðu og hollu útgáfu af chiagraut. Okkur þykir hann ljómandi góður en eitt er víst að hann er stútfullur af góðgæti sem fær kroppinn til að blómstra.
Súkkulaði chiagrautur með kollageni
1/4 b. chiafræ
1b. möndlumjólk (bæta við aðeins meira eftir þörf þegar þurrefnin blandast saman við).
1-2 tsk hreint kollagenduft
1-2 tsk hreint lífrænt kakó
Stevia - ca 7 dropar eða eftir smekk (má sleppa sætu ef vill eða nota aðra góða sætu s.s. hunang)
1/2-1 tsk vanilla (dropar eða duft)
Allt hrært vel saman svo þurrefnin blandist vel saman við.
Gott er að láta chia fræin ná að standa í kæli a.m.k. 3-4 klst áður en neytt.
Njótið t.d. með ferskum jarðaberjum eða bláberjum.