Trufluð föstudags pitsa
Er föstudagspítsa á þínu heimili?
Trufflupítsan úr uppskriftabók Ágústu Johnson er alltaf jafn vinsæl á hennar heimili.
Þú finnur uppskrift að einföldum glúteinlausum og hollum ítölskum pítsabotni í highlights á Instastory @hreyfing. Sá botn er úr Psyllium Husk trefjum, vatni, olíu, möndlumjöli og salti og tekur 5 mín að útbúa. Annars er hægt að kaupa góðan súrdeigsbotn hjá t.d. Flatey Pizza eða laga sinn eigin uppáhalds.
1 heill hvítlaukur
5 kartöflur
2 greinar ferskt rósmarín, smátt saxað
5 stórir sveppir, niðurskornir
1-2 buffaló mozzarella kúla, niðurskorin
Klettasalat
Trufluolía
Sjávarsalt
Svartur pipar
Geggjað að bæta hnetum og fræjum yfir pítsuna, til dæmis furuhnetum, graskersfræjum, hampfræjum og spírum.
Aðferð:
Afhýddu hvítlauksrifin og settu þau heil í ofnfast mót með botnfylli af góðri ólífuolíu og salti og álpappír yfir. Bakaðu þau í 180 gráðu heitum ofni í um 30 mín eða þar til þau eru orðin mjúk.
Skerðu kartöflurnar í þunnar sneiðar og saxaðu 2 rósmaríngreinar smátt. Settu þetta saman í ílát sem hægt er að loka, saltaðu og pipraðu. Lokaðu ílátinu og hristu vel saman.
Bakaðu þær við 180 gráður í 15 - 25 mín eða þar til þær eru orðnar gullinbrúnar. Gott að snúa kartöflunum þegar tíminn er hálfnaður.
Pítsadeigið er sett á ofnplötu eða pítsastein og hvítlauksolían úr eldfasta mótinu ásamt hvítlauksrifunum er borin á allt deigið. Bættu við góðri ólívuolíu og salti ef þarf.
Dreifðu svo kartöflunum, niðursneiddum mozzarella ostinum og sveppunum yfir.
Pítsan er svo bökuð í ofni við 240 gráður þar til brúnirnar eru orðnar gullinbrúnar.
Eftir að pítsan er bökuð er klettasalati dreift yfir, hnetum, fræjum og spírum og nóg af góðri truffluolíu.
Njótið vel!